РАЗАМ З КАЗКАЙ
З самага дзяцінства нас суправаджае верная сяброўка – казка. Чаму ўсё ж такі яе так любяць? Чаму іх дагэтуль складаюць? На гэта пытанне і спрабавалі адказаць удзельнікі гульні-віктарыны “Разам з казкай”, якая адбылася ў Зоркаўскай бібліятэцы.
У час мерапрыемства бібліятэкар прапанавала юным чытачам адправіцца ў падарожжа на лятучым караблі па старонках любімых казак, дзе хлопчыкі і дзяўчынкі не толькі сустрэнуцца са сваімі знаёмымі героямі казак, але і правераць, наколькі добра яны памятаюць казкі.
Падчас гульні-віктарыны ўдзельнікі мерапрыемства паспяхова справіліся з выпрабаваннямі і заданнямі, якія сустракаліся на іх шляху, а дапамаглі ім ў гэтым казачныя героі, якія завіталі на мерапрыемства: Чырвоная Шапачка (Кавалеўская Яна) і Папялушка (Багдановіч Ульяна).
