РАДЗІМЫ МІЛЫ ВУГАЛОК
У мінулую нядзелю супрацоўнікі Буеўшчынскай бібліятэкі-клуба арганізавалі і правялі свята маленькіх вёсак Снегі і Волкаўшчына, якія знаходзяцца ў Іёдскім сельскім Савеце.
Свята вёскі – гэта яшчэ і падстава, каб выказаць словы падзякі беражлівым гаспадарам за іх працу, фантазію і любоў да свайго роднага кутка.
Сям’я Лаўрыновічаў з вёскі Волкаўшчына гасцінна запрасіла вяскоўцаў у свой двор, дзе і адбылася асноўная дзея свята.
На пачатку мерапрыемства прысутныя здзейснілі невялікае падарожжа ў гістарыю, прыгадалі прыемныя моманты свайго жыцця.
Вядучыя свята, Кандрацьева Наталля і Сінкевіч Таццяна, не шкадавалі добрых слоў для віншаванняў юбіляраў года, якіх было багата.
Асобна павіншавалі гаспадароў свята, сям’ю Ганны Люцыянаўны і Пятра Вітальевіча Лаўрыновічаў, якія ў гэтым годзе адсвяткавалі 35-годдзе сумеснага жыцця.
На працягу свята гучалі песні, жарты, смех.
У завяршэнні мерапрыемства ад імя ўсіх вяскоўцаў выступіла Таццяна Уладзіміраўна Цітовіч, якая выказала словы падзякі арганізатарам свята і пажадала сваім землякам здароўя і дабратыту, а арганізатарам свята – плёну ў працы.
