РАДЗІМА МАЯ – Я ЧАСЦІНКА ТВАЯ
Бібліятэкар Германавіцкай бібліятэкі Таццяна Хоміч разам з супрацоўнікамі мастацка-этнаграфічнага музея імя Я. Драздовіча здейснілі краязнаўчае падарожжа па ваколіцах Германавіч. Наведаўшы бібліятэку, ўдзельнікі пазнаёміліся з матэрыялам пра мясцовую мастачку-самавучку Ванду Лагун. Затым удзельнікі падарожжа наведалі могілкі ў вёсцы Мікіцёнкі і палажылі кветкі на магілку Ванды Германаўны.
Крыху адпачыўшы, прадоўжылі падарожжа. У вёсцы Юзэфова сустрэліся з мясцовай жыхаркай Марыяй Францаўнай Буда, якая правяла цікавую экскурсію па былым памесці пана Штэрна.
Пад час няспешнага падарожжа па памесці вандроўнікі накіраваліся ў алею, якая захавалася з тых даўніх часоў, дзе дакрануліся да ствалоў славутых юзэфоўскіх кедраў.
Цікавае падарожжа пакінула шмат прыемных уражанняў і жаданне далей пазнаваць свой родны шаркаўшчынскі край.
