Птушкі – нашы сябры
У Германавіцкай сельскай бібліятэцы прайшло экалагічнае асарці ”Птушкі – нашы сябры“, прымеркаванае да Міжнароднага дня птушак.
У пачатку мерапрыемства бібліятэкар пазнаёміла ўдзельнікаў з гісторыяй гэтага свята і звярнула ўвагу на тое, што Дзень птушак – самае першае экалагічнае свята, якое з’явілася напрыканцы 19 стагоддзя ў Амерыцы. З цікавасцю хлопчыкі і дзяўчынкі паслухалі незвычайныя факты пра птушак, а таксама актыўна ўдзельнічалі ў віктарыне ”Што я ведаю пра птушак“, адгадвалі загадкі.
Падчас майстар-класу, які правяла кіраўнік калектыву ”Умелыя ручкі“ Германавіцкага Цэнтра культуры і народнай творчасці, удзельнікі зрабілі птушку з паперы.
Напрыканцы прысутныя выказалі свае думкі аб тым, як трэба адносіцца да птушак, якую дапамогу трэба аказваць птушкам зімой?
