Прыказкі, прымаўкі Івана Кірчука
У Шаркаўшчынскай дзіцячай бібліятэцы адбылася пазнавальна-творчая гадзіна ”Прыказкі, прымаўкі Івана Кірчука“, прысвечаная 65-годдзю з дня нараджэння фалькларыста, музыкі, вакаліста, выклакдчыка кафедры этнаграфіі і этналогіі БДПУ імя М.Танка, лідэра этна-гурта ”Троіца“. Іван Іванавіч з’яўляецца уладальнікам унікальнай калекцыі народных спеваў і народных музычных інструментаў з мноства краін.
Пра жыццёвы шлях і творчасць Івана Кірчука вучні 8 ”А“ класа УА ”Сярэдняя школа №1 г.п. Шаркаўшчына“ даведаліся пры дапамозе відэапрэзентацыі. Напрыканцы ўдзельнікі мерапрыемства паглядзелі мультыплікацыйны фільм студыі ”Беларусьфільм“ ”Прыказкі беларусаў“, дзе рэжысёрам і музыкантам быў Іван Кірчук.
