Прэзентацыя кнігі
У дзіцячай бібліятэцы адбылася значная падзея – прэзентацыя рамана-версіі ”Непераможны злом“ знакамітага беларускага празаіка, члена ГА ”Саюз пісьменнікаў Беларусі“ Віктара Аляксандравіча Праўдзіна.
Раман-версія прысвечаны апошняму месяцу жыцця айца Канстанціна Жданава, які служыў святаром у шаркаўшчынскай Свята-Успенскай царкве ў самыя складаныя і пераломныя гады ў краіне: Першая сусветная вайна, рэвалюцыя 1917 года, усталяванне Савецкай улады. За веру ў Бога ў 1919 годзе айцец Канстанцін прыняў мучаніцкую смерць.
Над прэзентацыяй рамана працаваў творчы гурт у саставе бібліятэкара Людмілы Казіцкай, пісьменнікаў-землякоў, членаў ГА ”Саюз пісьменнікаў Беларусі“ Міледзія Мікалаевіча Кукуця і Віктара Ільіча Лагуна, кіраўніка народнага калектыву літаратурнай творчасці ”Світанак“ Алы Клакоўская і ўдзельніка калектыву Надзеі Вайцюль, настаўніцы беларускай мовы і літаратуры Таццяны Фядотавай і кіраўніка па ваенна-патрыятычнаму выхаванню Алеся Шышко ДУА ”Сярэдняя школа №1 г.п. Шаркаўшчына“.
Кожны з удзельнікаў пасля прадмовы задаваў пытанне аўтару. Так сюжэтная нітка не абарвалася на працягу ўсяго мерапрыемства. Адказы Віктара Праўдзіна былі напоўнены гістарычнымі звесткамі, эмацыйным настроем. Удзельнікі мерапрыемства таксама задавалі пытанні аўтару.
На мерапрыемстве прысутнічалі: намеснік старшыні райвыканкама Юрый Васілеўскі, дабрачынны Шаркаўшчынскай акругі, настаяцель царквы іконы ”Усіх смуткуючых Радасць“, протаіерэй Віктар Валашчук, настаяцель Свята-Успенскага храма, протаіерэй Мікалай Войтаў, настаўнікі школ г.п. Шаркаўшчына, вучні старэйшых класаў, мясцовыя жыхары і госці. Аўтар падарыў дзіцячай бібліятэцы дзве кнігі рамана-версіі ”Непераможны злом“ і анталогію ”Современная детская литература стран СНГ“.
Мастацкая версія жыцця і заўчаснай смерці ў 1919 годзе свяшчэннамучаніка Канстанціна Жданава, настаяцеля Свята-Успенскага храма, што ў Шаркаўшчыне набыла жыццё! І як напісаў у эпілогу Віктар Праўдзін: ”Спраўдзіліся словы матушкі Ганны, жонкі бацюшкі Канстанціна: ”У жыцці ўсё можа быць... Ведаю, што наша святая царква будзе гэткай прыгожай, якой бачылася ў дзіўным сне... І вы, бацюшка, назаўсёды застаняцеся ў ёй... І я побач з вамі“. Усё так і адбылося!
