ПРАЗ КНІГУ ДА МІРУ І ЗГОДЫ
У Шаркаўшчынскай раённай бібліятэцы адбылася літаратурная сустрэча ”Праз кнігу да міру і згоды“, якая была прысвечана юбілею беларускіх кніг і пісьменнікаў, бо кожная кніга мае сваю гісторыю. У тым ліку і дату народзін – год, калі яна ўпершыню была надрукавана. З гэтага часу і пачынаецца адлік узросту кнігі.
Наведавальнікі мерапрыемства даведаліся, якія кнігі ў гэтым годзе адзначаюць юбілей. Вядучая мерапрыемства пазнаёміла са зместам твораў, многія з якіх ужо былі вядомы моладзі.
Кіраўнік народнага літаратурна-музычнага аб'яднання ”Світанак“ Міхайлава Ала Уладзіміраўна распавяла слухачам аб пісьменніках-юбіляра, земляках Шаркаўшчынскага краю.
