ПРАЗ КНІГУ – ДА ДАБРА І СВЕТА
”Праз кнігу – да дабра і света“ – пад такім дэвізам ў Буеўшчынскай бібліятэцы-клуб адбыўся агляд літаратуры ”Сэрца сагрэе вера“. У час мерапрыемства бібліятэкар пазнаёміла ўдзельнікаў з хрысціянска-папулярнай і мастацкай літаратурай, растлумачыла, што праваслаўныя кнігі – гэта тыя кнігі, якія настройваюць чалавека на выратаванне душы і паказваюць шляхі духоўнага ўдасканалення, якія вучаць міласэрнасці, спагадзе, любові.
У Лужкаўскай бібліятэцы на працягу Вялікага посту дзейнічае выстава літаратуры ”К душе своей найди дорогу“, на якой прадстаўлены кнігі духоўнай тэматыкі, якія зразумела і даступна апавядаюць пра лепшыя рысы характару чалавека: дабрыню, спагаду, узаемадапамогу, ветлівасць, бескарыснасць, павагу да старэйшых; вучаць сябраваць, не быць сквапнымі, ніколі не хлусіць.
