"ПРАСТОРА ТАЕМНАЯ I ЗАГАДКАВАЯ"
У Навасёлкаўскай бiблiятэцы адбылася экалагiчная гадзiна ”Прастора таемная i загадкавая“, прысвечаная Сусветнаму дню водна-балотных абшараў.
У час мерапрыемства ўдзельнікі даведалiся, што балоты – наша багацце. Важнейшая роля балот – гэта ачышчэнне атмасферы ад шкодных рэчаў. На балотах гняздзiцца шмат розных птушак, багатыя балоты і на ягады журавiны, якія са старажытных часоў славіліся сваімі лекавымі каштоўнасцямі.
Напрыканцы мерапрыемства прыйшлі да высновы, што жыхарам Шаркаўшчынскага раёна пашанцавала, бо ў нашым раёне знаходзiцца знакамiтае, прыгожае балота Ельня, якое вядома не толькi ў Беларусi, але i за яе межамi.
