ПЛЁН ТВОРЧАСЦІ, АБО ПАД ЗОРКАЙ МАКСІМА БАГДАНОВІЧА
У Германавіцкай бібліятэцы прайшла літаратурная вечарына ”Плён творчасці, або пад зоркай Максіма Багдановіча“, прысвечаная 130-годдзю з дня нараджэння паэта.
Падчас сустрэчы бібліятэкар Таццяна Хоміч імкнулася не толькі паведаміць прысутным звесткі пра жыццё і творчасць Максіма Багдановіча, але і перадаць багацце яго ўнутранага свету.
Прысутныя з задавальненнем паслухалі верш ”Зорка Венера“, які ўжо некалькі дзесяцігоддзяў з’яўляецца гімнам рамантыкаў, народжаных пад зоркай Багдановіча і прысвечаны галоўнай музе паэта – Ганне Кукуевай.
На працягу ўсёй сустрэчы гучалі не толькі вершы паэта, але і вершаваныя радкі, прысвечаныя М.Багдановічу.
Лірыка самага рамантычнага паэта Беларусі нікога з прысутных не пакінула раўнадушнымі, а наадварот, выклікала інтарэс да яго творчасці.
