ПІСЬМЕННІКІ РОДНАГА КРАЮ
У кожнага чалавека ёсць свая малая радзіма, тое месца, дзе ён з'явіўся на свет, вырас, дзе жыў і жыве яго народ са сваёй багатай гісторыяй. Для нас такім месцам з'яўляецца Шаркаўшчына, яе ваколіцы і вёскі Прыдзісненскага краю. Дзякуючы нястомнай творчай працы мясцовых паэтаў і пісьменнікаў, выдадзена шмат кніг, у творах якіх услаўляецца прырода родных маляўнічых мясцін, а таксама людзі, якія праславілі наш край.
25 сакавіка для людзей з абмежаванымі магчымасцямі Шаркаўшчынская раённая бібліятэка сумесна з літаратурна-музычным аб'яднаннем ”Світанак“ падрыхтавалі і правялі літаратурную гадзіну ”Пісьменнікі роднага краю“. Бібліятэкар Раіса Гракава прадставіла кіраўніка літаратурна-музычнага аб'яднання ”Світанак“ Алу Уладзіміраўну Міхайлаву, якая пазнаёміла слухачоў з творчасцю Шаркаўшчынскіх пісьменнікаў, а таксама прачытала свае вершы.
