“Пісаў свае я вершы для дома, для альбома і трохі для эпохі”
У рамках праекта “Кожная пятніца – роднае, сваё!” бібліятэкар Зоркаўскай сельскай бібліятэкі-філіяла правяла кніжны маршрут “Пісаў свае я вершы для дома, для альбома і трохі для эпохі”, які быў прысвечаны 115-годдзю з дня нараджэння Васіля Віткі.
Бібліятэкар расказала дзецям, што назва мерапрыемства выбрана не выпадкова – гэта радкі самога Васіля Віткі, якія дакладна адлюстроўваюць яго сціплы, але глыбокі талент.
Потым бібліятэкар каротка і займальна расказала біяграфію паэта. Дзеці даведаліся, што Васіль Вітка, гэта псеўданім (сапраўднае прозвішча Крысько), што ён быў не толькі паэтам, але і настаўнікам і нават удзельнікам вайны. Асаблівую ўвагу надалі таму, што ён вельмі любіў дзяцей і пісаў для іх зразумела, цёпла і з гумарам.
Бібліятэкар пазнаёміла прысутных з кнігамі аўтара, якія ёсць у бібліятэцы, па іх і прайшоў “кніжны маршрут”. Загаддзя былі падрыхтаваны “прыпынкі” – урыўкі з розных твораў Віткі. Дзеці па чарзе зачытвалі самыя смешныя і кранальныя моманты з вершаў і казак, ахвотна дзяліліся ўражаннямі.
Фармат “кніжнага маршруту” аказаўся ўдалым: ён ператварыў звычайнае чытанне ў займальнае падарожжа, дзе кожны ўдзельнік быў не слухачом, але і актыўным удзельнікам.
