Пералівы роднай мовы
21 лютага ўвесь свет адзначае Дзень роднай мовы. Не абмінулі гэта свята і бібліятэкі нашай сістэмы.
Акунуцца ў чароўны свет роднай мовы змаглі чытачы Каўшэлеўскай сельскай бібліятэкі-філіяла падчас паэтычнай гадзіны ”Пералівы роднай мовы“. Удзельнікі з задавальненнем чыталі вершы аб родным краі, беларускіх краявідах, порах года і каханні беларускіх паэтаў.
Навучэнцы 9 класа ДУА ”Германавіцкая сярэдняя школа Шаркаўшчынскага раёна“ прынялі ўдзел у моўным турніры ”Сэрцам роднай мовы краніся“, на працягу якога бібліятэкар імкнулася абудзіць павагу да беларускага слова, сфарміраваць у ўдзельнікаў свядомае разуменне самабытнасці і непаўторнасці беларускай мовы як адзінай і ўнікальнай з’явы на свеце.
Калектыў Лужкаўскай сельскай бібліятэкі-філіяла арганізаваў для чытачоў малодшага школьнага ўзросту літаратурную гасцёўню пад назвай ”Дала мне маці гэту мову“. Хлопчыкі і дзяўчынкі ўдзельнічалі ў самых розных конкурсаў: адгадвалі беларускія казкі, гулялі ў рыфмы, называлі адным словам, агучвалі па-беларуску, складвалі словы з прапанаваных літар і інш. Завяршылася сустрэча аглядам беларускай літаратуры ”Беларускія пісьменнікі – дзецям“, дзе ішла размова пра родную мову і лепшыя творы дзіцячых беларускіх аўтараў.
У Буеўшчынскай сельскай бібліятэцы-клубе-філіяле адбылася акцыя ”Размаўляй са мной па-беларуску“. На працягу дня наведвальнікі ўстановы размаўлялі толькі на роднай мове.
У Дворнаўскай сельскай бібліятэцы-філіяле да памятнай даты была аформлена выстава літаратуры ”Любі свой край і мова будзе любай“, на якой была прадстаўлена дакументальна-публіцыстычная літаратура аб родным кра, а таксама і творы беларускіх пісьменнікаў.
