ПАЗНАВАЛЬНАЯ ГУЛЬНЯ
Да Міжнароднага дня энергазберажэння ў Зоркаўскай сельскай бібліятэцы-клубе прайшла пазнавальная гульня ”Кілават да кілавата – поўная хата“. Бібліятэкар Святлана Сташкевіч расказала аб энергаэфектыўных тэхналогіях, аб важнасці выкарыстання крыніц энергіі, аб спосабах энергазберажэння дома і на рабоце.
Пажадала, каб атрыманыя веды дзеці прымянялі і на практыцы. Падчас гульні былі прапанаваны пытанні па энергазберажэнню і адказы з трыма варыянтамі, адзін з якіх правільны. Дзеці адказвалі з цікавасцю, а адказы на пытанні, якія не ведалі – шукалі ў кнігах, прадстаўленых на выставе. Затым кожны расказаў, якія мерапрыемствы па зберажэнні энергіі праводзяць дома разам з бацькамі.
