Па гарачых дарогах Афгана
Кожны год 15 лютага адзначаецца Дзень памяці воінаў-інтэрнацыяналістаў. Менавіта ў гэты дзень апошні савецкі салдат пакінуў палаючы Афганістан. Гэта падзея знакавая для беларусаў, бо паводле Рэспубліканскай кнігі памяці воінаў-інтэрнацыяналістаў каля 30 тыс. беларусаў пабывалі ў зоне баявых дзеянняў.
Бібліятэкі ДУК ”Шаркаўшчынская цэнтралізаваная бібліятэчная сістэма“ не застаўся ўбаку ад тых гістарычных падзей.
Бібліятэчныя работнікі Лужкаўскай сельскай бібліятэкі наведалі сваіх землякоў воінаў-інтэрнацыяналістаў, удзельнікаў баявых дзеянняў тых далёкіх падзей 1979 -1989 гадоў Мікалая Ігнацьевіча Зенько і Уладзіміра Цімафеевіча Кірсанава. Віншаванне на даму ”Солдат войны не выбирает“ праходзіла ў атмасферы ўдзячнасці, добрых слоў і пажаданняў. Сваімі ўспамінамі аб паўсядзённым жыцці салдат тэрміновай службы ў час прабывання на тэрыторыі Дэмакратычнай Рэспублікі Афганістан землякі-афганцы дзяліліся без лішніх эмоцый.
”Мы – вместе“ – такую назву мела акцыя, арганізатарам якой выступіла бібліятэкар Васюкоўскай сельскай бібліятэкі А.У. Пагарэлава. Да ўдзелу ў акцыі далучыліся прадстаўнікі Станіславоўскага сельскага Савета і сельскагаспадарчага прадпрыемства ”Даватарскі“. У гэты дзень Георгію Мікалаевічу Крыўко і Алегу Дмітрыевічу Лаўрыновічу было выказана шмат цёплых слоў і пажаданняў, якія ў адказ выказалі думку, што вайна – гэта жах, і таму неабходна абараняць нашу краіну і захоўваць мір.
Бібліятэкар Іёдскай сельскай бібліятэкі Г.І. Лаўрыновіч наведалася ў ДУА ”Іёдская сярэдняя школа-сад Шаркаўшчынскага раёна“. Падчас гадзіны мужнасці ”Время выбрало их“ распавяла падлеткам аб гераізме савецкіх салдат, якія праяўляючы прыклады мужнасці і гераізму, выконвалі свой воінскі і грамадзянскі абавязак у Дэмакратычнай Рэспубліцы Афганістан, аб земляках, якія прайшлі дарогамі афганскай вайны і зараз жывуць мірным жыццём.
Супрацоўнікі аддзела абслугоўвання і інфармацыі цэнтральнай раённай бібліятэкі падчас літаратурнага набату ”Эхо афганских гор“ разам з навучэнцамі 8 класа ДУА ”Сярэдняя школа № 1 г.п. Шаркаўшчына“ сустрэліся з воінам-інтэрнацыяналістам, старшынёй раённага грамадскага аб’яднання ”Беларускі саюз ветэранаў вайны ў Афганістане“ Васілем Савічам Протасам. Аповед Васіля Савіча аб гадах службы ў Афганістане суправаджаўся дэманстарцыяй кадраў з відэахронікі і відэафільма ”Успаміны землякоў-афганцаў“.
Більдзюгская сельская бібліятэка да 35-годдзя вываду савецкіх войск з Афганістана аформіла кніжную выставу ”Эхо афганской войны“, дзе была прадстаўлена мастацка-публітыстычная літаратура і фотаальбом ”Афганистан. Без права на забвение“, у якім змешчаны фотоаздымкі і радкі біяграфій воінаў-інтэрнацыяналістаў, ураджэнцаў Шаркаўшчынскага раёна.
