Няпросты лёс простай жанчыны
Бібліятэкар Германавіцкай сельскай бібліятэкі-філіяла наведала аддзяленне кругласутачнага знаходжання пажылых людзей і інвалідаў у в.Дзікева для таго, каб расказаць пра няпросты лёс простай жанчыны мастачкі-самавучкі Ванды Лагун. 2 ліпеня Вандзе споўнілася б – 85.
Іншага лёс выпрабоўвае на трываласць: з ліхвой адмярае і цяжкасцей, і гора, і слёз, а ўсё ж зірнеш на чалавека – і бачыш у яго вачах жывы бляск і радасць жыцця. Менавіта такім чалавекам і была Ванда Германаўна Лагун.
Бібліятэкар расказала прысутным пра складаны лёс жанчыны. Сваёй сям’і ў Ванды не было. Яна не магла жыць без дапамогі людзей. Больш за ўсіх ёй дапамагала стрыечная сястра – Марыя Дубовік.
Бібліятэкар пазнаёміла з нешматлікімі малюнкамі мастачкі, якія знаходзяцца ў бібліятэцы. Чыталі вершы Ванды Лагун, успаміны суседзяў, аднавяскоўцаў. А лёс Ванды Лагун чымсьці сугучны з лёсам жыхароў аддзялення.
Многім фізічна здаровым людзям можна павучыцца ў гэтай жанчыны адносінамі да жыцця.
