НЕЛЮБІМЫЯ ГІНУЦЬ
10 сакавіка ў дзіцячай бібліятэцы адбылася творчая сустрэча ”Нелюбімыя гінуць“ вучняў 9 ”А“ і 9 ”В“ класа ДУА ”Сярэлняя школа № 1 г.п. Шаркаўшчына“ з членам Саюза пісьменікаў Беларусі, празаікам Віктарам Праўдзіным.
Размова з аўтарам была цікавай і эмацыйнай. Падчас сустрэчы Віктар Аляксандравіч адказаваў на пытанні: ”Ці патрэбны сучаснасці бібліятэкі?“, ”На каго з маладых беларускіх пісьменікаў звярнуць увагу?“. Шчырасць адказаў В. Праўдзіна вельмі спрыяла сяброўская атмасфера. А яшчэ пісьменнік расказаў аб працы над напісаннем рамана ”Парыж, Эйфелева вежа і …“, які перамог у Нацыянальнай літаратурнай прэміі ў намінацыі ”Лепшы твор прозы 2021 года“. Удзельнікі даведаліся, што ў аснову напісання рамана ляглі рэальныя падзеі і лёсы людзей, якія працуюць на зямлі.
У В.А. Праўдзіна асобыя адносіны да Шаркаўшчыны, бо дзяцінства яго прайшло ў вёсцы Гарадзец на рацэ Мнюта. Дзіцячыя ўспаміны пісьменніка ляглі ў аснову некаторых апавяданяў, якія змешчаны ў кнізе ”Іду насустрач“.
Напрыканцы сустрэчы пісьменнік уручыў кнігі з аўтографам удзельнікам сустрэчы, якія перамаглі ў прадметных алімпіядах. Дзіцячай бібліятэцы пісьменнік перадаў у дар кнігі свайго сябра – пісьменніка і паэта Ганада Чарказяна.
