Мой край рамонкаў, сініх васількоў
28 чэрвеня бібліятэкар Буеўшчынскай сельскай бібліятэкі-клуба-філіяла арганізавала ў вёсцы Тадуліна свята вёскі ”Мой край рамонкаў, сініх васількоў“.
Напачатку свята з прывітальным словам выступіў старшыня Іёдскага сельскага Савета Іван Іосіфавіч Пачкоўскі, які пажадаў кожнаму жыхару вёскі дабрабыту, здароўя і прыемных падзей.
Шмат цікавага пра родную вёску і яе жыхароў пачулі ўдзельнікі свята ад Недведзь Людмілы Іванаўны, былога дырэктара Тадулінскай базавай школы. Людміла Іванаўна прыгадала, што па пісьмовых крыніцах вёска Тадуліна вядома з 19 стагоддзя як фальварак, які прыналежыў Лапацінскім. У 60-ых гадах мінулага стагоддзя тут працаваў цагляны завод, а ў 1966-67 навучальным годзе ў школе навучалася 227 дзяцей.
Вядучая мерапрыемства Наталля Кандрацьева распавяла аб кожным жыхары вёскі, якіх зараз тут пражывае 8 чалавек. Нямала прыгожых, кранаючых душу слоў прагучала ў гэты дзень у адрас імяніннікаў года: Струй Ларысы Кандрацьеўны, Селязнёва Алега Мікалаевіча і Бучынскай Валянціны Мікалаеўны.
Добры настрой жахарам вёскі падарыў калектыў мастацкай самадзейнасці ”Яблынька“, а сувеніры на добрую памяць аб сустрэчы ў гэты дзень атрымаў кожны жыхар вёскі.
