Моўны турнір
Да Міжнароднага дня роднай мовы ў Германавіцкай сельскай бібліятэцы-філіяле прайшоў моўны турнір ”Ці ведаеш ты сваю мову?“, на які былі запрошаны вучні 3 класа УА ”Германавіцкая сярэдняя школа Шаркаўшчынскага раёна“.
Мэта турніра – абуджэнне цікавасці да беларускай мовы, выхаванне паважлівых адносін да роднай мовы, свайго народа, гісторыі. На пачатку мерапрыемства бібліятэкар паведаміла прысутным, чаму менавіта Міжнародны дзень мовы адзначаецца 21 лютага.
Затым, падзяліўшыся на каманды, навучэнцы прынялі ўдзел у моўным турніры. Удзельнікі паказалі добрыя веды падчас правядзення конкурсаў ”Перакладчыкі“, ”Словатворцы“, ”Знаўцы“ і інш. На працягу ўсяго мерапрыемства гучала толькі родная мова. Шмат прагучала прыказак, прымавак, фразеалагізмаў, загадак. Аповед чаргаваўся з музычнымі застаўкамі на вершы беларускіх паэтаў.
Бібліятэкар імкнулася абудзіць павагу да беларускага слова, сфарміраваць у дзяцей свядомае разуменне самабытнасці і непаўторнасці беларускай мовы.
Нашы бацькі, дзяды і прадзеды зрабілі шмат, каб беларуская мова гучала як роўная сярод роўных. Наша ж задача сёння – не даць загінуць ёй, мілагучнай, спеўнай, матчынай мове нашай.
