МЕРАПРЫЕМСТВЫ ДА ДНЯ БІБЛІЯТЭК
15 верасня ў Германавіцкай бібліятэцы прайшоў дзень адчыненых дзвярэй. У гэты дзень у бібліятэку завітала жыхарка горада Наваполацка Ірына Корсак, якая прыехала ў госці да родзічаў. Ірына наведала бібліятэку і падарыла 50 кніг фэнтэзі серыі “Век дракона.”
Мнагалюдна было ў гэты дзень і ў Навасёлкаўскай бібліятэцы, якая адзначала 70-гадовы юбілей. Бібліятэкар Наталля Шудзель упрыгожыла бібліятэку паветранымі шарамі, а лічбу 70 вылажыла з фотаздымкаў, якія адлюстроўвалі моманты бібліятэчных мерапрыемстваў і выяў бібліятэкі розных гадоў. Прыгадаўшы гісторыю бібліятэкі, удзельнікі мерапрыемства з задавальненнем прынялі ўдзел у розных конкурсах і віктарынах.
