МАЯ ЖЫВАЯ КРЫНІЦА
Якім жа смачным быў
матулін дранік!
Смачней яго нішто не ела я,
Ён лепшы быў за той мядовы пернік,
Бо ў матуліным душа жыла.
Н. Вайцюль (Вішнявец)
Да Міжнароднага дня роднай мовы і Года народнага адзінства ў дзіцячай бібліятэцы прайшла творчая сустрэча ”Мая жывая крыніца“. Госцем мерапрыемства была ўдзельніца народнага літаратурна-музычнага аб’яднання ”Світанак“ Надзея Вайцюль. Аўтарка – чалавек вельмі творчы, усё жыццё працуе ў сферы культуры, піша вершы, цудоўна спявае, таму сустрэча з ёй стала сапраўдным святам.
На сустрэчу былі запрошаны вучні 9 ”А“ класа УА ”Сярэдняя школа № 1 г. п. Шаркаўщына“. Пад час мерапрыемства прагучала шмат вершаў, у якіх знайшлі адлюстраванне прыгажосціь беларускіх краявідаў і ўспаміны дзяцінства, любоў да роднага краю і родных людзей. Удзельнікі былі задаволены магчымасцю пагутарыць з аўтарам, бо яе вершы знайшлі шлях да кожнага сэрца слухача.
Навогул, сустрэча атрымалася цёплай і ўтульнай, прынесла масу станоўчых эмоцый і стала для многіх дзіўным і цікавым адкрыццём.
