Матулін ручнік
У Буеўшчынскай бібліятэцы-клубе-філіяле прайшоў вечар-успамін “Матулін ручнік”. Бібліятэкар расказала пра тое, якое сакральнае значэнне меў ручнік у жыцці беларускай сям’і.
Удзельніцы сустрэчы дзяліліся цёплымі гісторыямі пра вышываныя вырабы сваіх матуль і бабуль, якія захоўваюць памяць пакаленняў.
Асаблівым момантам стала выступленне Алы Вацлаваўны Салачонак: яна прачытала кранальны аўтарскі верш, прысвечаны памяці маці. Атмасферу вечара дапоўнілі любімыя народныя песні – “Ой, і сеяла Ульяніца лянок” і “Ручнікі”.
