Майстар-клас у бібліятэцы
У рамках Тыдня бацькоўскай любові для юных чытачоў у Лужкаўскай сельскай бібліятэцы-філіялае быў арганізаваны майстар-клас ”Тепло родительской любви ты в сердце сохрани“.
Падарунак сваімі рукамі для самых блізкіх людзей, а гэта, менавіта, бацькі – самы жаданы, а калі ён ствараўся яшчэ з вялікай любоўю, павагай і пяшчотай, то тым больш – самы каштоўны. Пасля заняткаў у школе хлопчыкі і дзяўчынкі тры дні шчыравалі над падарункамі для сваіх бацькоў. Прыгожыя восеньскія паштоўкі, створаныя з выкарыстаннем прыродных матэрыялаў і надпісам найлепшых пажаданняў, у хуткім часе ўжо чакалі сваім адрасатаў.
Праз такія заняткі ствараецца эмацыянальная атмасфера падтрымкі сям’і, павышаецца ўсведамленне ролі бацькоў ў жыцці дзяцей і фарміруюцца шанаванне і павага старэйшых людзей.
