Маёй душы прытулак ад калыскі
Для наведвальнікаў палатачнага выхаваўча-аздараўленчага лагера працы і адпачынку ”Юнацтва“, арганізаванага на базе ДУА ”Германавіцкая сярэдняя школа Шаркаўшчынскага раёна“ у Германавіцкай сельскай бібліятэцы-філіяле адбылася літаратурная гасцёўня ”Паэты і паэзія Шаркаўшчынскага краю“.
На пачатку мерапрыемства бібліятэкар пазнаёміла прысутных з гісторыяй стварэння калектыву літаратурнай творчасці ”Світанак“, якое дзейнічае з 1992 года, а з 2002 года насіць званне народнага. Многія ”світанкаўцы“ дасягнулі творчых вяршынь, маюць свае выданні, публікуюцца ў газетах і часопісах, праводзяць свае творчыя вечары. Члены ”Світанка“ – людзі рознабаковыя, рознага ўзросту. Усіх удзельнікаў аб’ядноўвае адно – любоў да творчасці. Бадай кожнаму шаркаўчаніну вядомы імёны творчых людзей – нашых землякоў. І таму ўдзельнікі мерапрыемства не былі пасіўнымі слухачамі: задавалі пытанні, дзяліліся ўраджаннямі ад сустрэч з пісьменнікамі.
Бібліятэкар падрыхтавала выставу літаратуры, якую назвала словамі Надзеі Вайцюль ”Маёй душы прытулак ад калыскі“. А напрыканцы сустрэчы пазнаёміліся з прэзентацый ”Шаркаўшчыне любай прысвячаецца“.
