МАГІЛА ЛЬВА
Да 140-годдзя з дня нараджэння класіка беларускай літаратуры Я. Купалы ў дзіцячай бібліятэцы адбыліся гучныя чытанні яго паэмы ”Магіла льва“, якой споўнілася 95-год з дня выдання. Вучні 8 ”Б“ класа ДУА ”Сярэдняя школа № 1 г.п. Шаркаўшчына“ зачытвалі радкі паэмы, вялі гутарку пра ўзнікненне горада Магілева. Удзельнікаў мерапрыемства кранула рамантычная гісторыя кахання Наталькі і Машэкі, якая ператварылася ў крывавую драму.
Бібліятэкар звярнула ўвагу юнакоў і дзяўчат на тое, што у вобразах Наталькі і Машэкі Янка Купала паказаў нам народныя характары і папярэдзіў, да якой бяды можа давесці крыўда.
Напрыканцы мерапрыемства ўдзельнікі паглядзелі буктрэйлер па сюжэту лірычна-эпічнай паэмы ”Магіла льва“.
