ЛЯЛІНЫ ЗАБАВЫ
У дзіцячай бібліятэцы адбылася гульнёва-тэатралізаваная імпрэза ”Ляліны забавы“, прысвечаная беларускай міфалогіі. Падчас мерапрыемства багіня прыроды і кахання Ляля і міфічныя істоты Лялёчкі (ахоўнікі дзіцячага сну), апранутыя ў касцюмы з нацыянальным каларытам, запрасілі ўдзельнікаў, вучняў 6 класа ДУА ”Сярэдняя школа №2 г.п.Шаркаўшчына імя Героя Савецкага Саюза Рамана Сцяпанавіча Кудрына“, прыняць удзел у народным абрадзе ”Ты расці, дубочак“ і гульнях ”Каток і малачко“, ”Сонцаварот“ і іншых. Пад гукі глінянай свістулькі ўдзельнікі павязалі на ”Дрэве жаданняў“ рознакаляровыя стужкі са сваімі асабістымі жаданнямі.
Капілка ведаў хлопчыкаў і дзяўчынк папоўнілася звесткамі аб жаночым народным касцюме, які аздабляецца арнаментам і рознымі ўзорамі.
Напрыканцы мерапрыемства бібліятэкар заклікала ўдзельнікаў ведаць культуру і традыцыі сваіх продкаў, шанаваць агульначалавечыя каштоўнасці і быць сапраўднымі патрыётамі сваёй Радзімы і не саромецца роднай мовы.
