ЛІТАРАТУРНЫЯ СЦЯЖЫНКІ РОДНАГА КРАЮ
Дзе ні пройдуць мае шляхі,
Як мой лёс ні складзецца,
Будзешь зваць да Дзісёнкі-ракі
Ты мяне, шаркаўшчынскае сэрца.
Да 30-годдзя з дня заснавання народнага літаратурна-музычнага аб’яднання ”Світанак“ у аддзяленні дзённага прабывання інвалідаў адбылася
літаратурна-музычная гасцёўня ”Літаратурныя сцяжынкі роднага краю“. У госці да наведвальнікаў аддзялення завітала кіраўнік літаратурна-музычнага аб’яднання ”Світанак“ Ала Уладзіміраўна Міхайлава. Слухачы пазнаёміліся с творчасцю Шаркаўшчынскіх пісьменнікаў.
Дзякуючы нястомнай творчай працы мясцовых паэтаў і пісьменнікаў, выдадзена шмат кніг, у творах якіх услаўляецца прырода родных маляўнічых мясцін, а таксама людзі, якія праславілі наш край. Падчас мерапрыемства ўдзельнікі мелі магчымасць пазнаёміцца з творамі мясцовых пісьменікаў, якія былі прадстаўлены на выставе літаратуры ”Шаркаўшчына літаратурная“.
