Літаратурная гадзіна
Бібліятэкар Германавіцкай сельскай бібліятэкі-філіяла наведала аддзяленне кругласутачнага знаходжання састарэлых людзей і інвалідаў у в. Дзікева ДУ ”Тэрытарыяльны цэнтр сацыяльнага абслугоўвання насельніцтва Шаркаўшчынскага раёна".
Для жыхароў аддзялення бібліятэкар Таццяна Хоміч падрыхтавала і правяла літаратурную гадзіну ”Быў. Ёсць. Буду“, прымеркаваную да 95-годдзя з дня нараджэння беларускага пісьменніка Уладзіміра Караткевіча.
На пачатку мерапрыемства бібліятэкар звярнула ўвагу на тое, што з цягам часу інтарэс да асобы і творчасці У. Караткевіча не змяншаецца, усё больш шырокае кола чытачоў цікавіцца яго творчасцю. Затым пазнаёміла з цікавымі звесткамі з жыцця пісьменніка.
Жыхары аддзялення не былі пасіўнымі слухачамі. Хтосцьці прыгадаў пра мастацкія фільмы, знятыя паводле твораў У. Караткевіча, хтосьці падзяліўся ўражаннямі аб прачытаных кнігах пісьменніка.
Напрыканцы сустрэчы бібліятэкар агучыла жыццёвае і творчае крэда У. Караткевіча: ”Трэба працаваць. Не для сябе, а для маёй роднай краіны, для Беларусі, якой, калі дазволіць лёс, я паслужу, колькі будзе дадзена дзён, – многа або мала, але да канца“.
