Літаратурнае падарожжа
Для наведвальнікаў летняга аздараўленчага лагера ”Экоград“ бібліятэкары Лужкаўскай сельскай бібліятэкі арганізавалі літаратурнае падарожжа па кнігах дзіцячых пісьменнікаў-прыродаведаў ”Были и небылицы из жизни зверя и птицы“. Удзельнікі вандравалі па экалагічных сцежках роднага краю і пазнаёміліся з жывёльным і раслінным светам, з правіламі паводзін на прыродзе – у лесе, лузе, на вадаёмах. Дзяцей чакалі займальныя конкурсы на кемлівасць і знаходлівасць, міні-віктарыны і рухомыя гульні, падчас якіх удзельнікі дзяліліся сваімі назіраннямі аб прыродных з’явах, ведамі пра паводзіны дзікіх жывёл, пра ядавітыя расліны лесу, рашалі вершаваныя жартоўныя эказадачы пра жывёл.
Забаўляльна-пазнавальная сустрэча пакінула шмат добрых уражанняў і спадзяванняў на тое, што юныя знаўцы прыроды стануць сапраўднымі яе абаронцамі і яшчэ больш будуць шанаваць прыроду і нашу зямлю.
