ЛІТАРАТУРНА-МУЗЫЧНАЯ ГАСЦЁЎНЯ
31 сакавіка цэнтральная раённая бібліятэка сумесна з народным літаратурна – музычным аб’яднаннем ”Світанак“ арганізавала і правяла літаратурна-музычную гасцёўню ”Літаратурныя сцяжынкі роднага краю“, якая была прамеркавана да 30-годдзя з дня заснавання літаратурнага аб’яднання.
На мерапрыемства прыйшлі даўнія сябры ”Світанка“: калегі па працы ў сферы культуры, жыхары гарадскога пасёлка, а таксама начальнік аддзела ідэалагічнай работы, культуры і па справах моладзі райвыканкама, старшыня раённай арганізацыі ГА ”Беларускі саюз жанчын“ Л.У. Стома, галоўны спецыяліст аддзела культуры І.М. Шынкевіч.
Наведаў свята і вядомы пісьменнік Беларусі Віктар Праўдзін. Віншавальную паштоўку даслалі абласны аддзел “Саюза пісьменнікаў Беларусі” і глыбоцкія творцы, журналіст, супрацоўнік газеты ”Веснік Глыбоччыны“ Галіна Сутула, кампазітар і выканаўца Ганна Шакола.
Удзельнікі калектыва не толькі зачыталі свае новыя вершы, але і падзяліліся з аўдыторыяй новымі творчымі задумкамі.
