Лета з кнігай
Лета – гэта час адпачынку, гульняў, забаў, час атрымання новых эмоцый, выяўлення творчых магчымасцей, развіцця чытацкага і эстэтычнага густу і, канечне, час чытання самых цікавых кніг. Хвілінкі творчага настрою “Лето с книгой: читаем, обсуждаем, рисуем, отдыхаем…” дапамаглі выхаванцам ДУА “Гарадзецкі дзіцячы сад Шаркаўшчынскага раёна” здзейсніць захапляльнае падарожжа ў свет казак.
Напачатку ўдзельнікі мерапрыемства адгадвалі герояў казак, па малюнках называлі казку. Потым адбыліся гучныя чытанні казак “Калабок”, “Ліса і казёл” і “Рэпка”, якія вучаць быць разумнымі і добрымі, праўдзівымі і працалюбівымі, дружнымі і адважнымі. Напрыканцы сустрэчы кожны ўдзельнік выбраў размалёўку сваёй любімай казкі і тым самым атрымаў пляцоўку для праяўлення фантазіі. Дзеці з вялікім захапленням расфарбоўвалі казачных герояў, дзяліліся ўражаннямі паміж сабой і дапамагалі адзін аднаму.
