КВІТНЕЦЬ САДАМ СІКОРЫ!
Брэндам Шаркаўшчынскага раёна з’яўляецца яблык. І гэта нездарма. Тут жыў і працаваў садавод-селекцыянер Іван Паўлавіч Сікора, вядомы не толькі ў нашай краіне, але і далёка за яе межамі. А гібрыд пад нумарам 1337 прызнаны яблыкам XXI стагоддзя і названы ”Памяць Сікоры“ ў гонар яго стваральніка. Памятаюць пра свайго зямляка, берагуць і прымнажаюць яго славу ўдзячныя шаркаўшчане.
19 верасня споўнілася 135 год з дня нараджэння нашага славутага зямляка. З гэтай нагоды ў Васюкоўскай і Лужкаўскай бібліятэках былі аформлены выставы літаратуры, прысвечаныя І.П.Сікору.
