КВІТНЕЙ, КРАСУЙ, КРАЙ ШАРКАЎШЧЫНСКІ
У рамках раённага свята ”Яблычны Спас“, якое штогод праходзіць у Алашках, на радзіме славутага земляка, садавода-селекцыянера І.П.Сікоры, бібліятэкар Васюкоўскай сельскай бібліятэкі арганізавала выставу-дыялог ”Квітней, красуй, край шаркаўшчынскі“. Госці свята, завітаўшы на бібліятэчную пляцоўку, пазнаёміліся з літаратурай пра шаркаўшчынскі край, яго маляўнічую прыроду, дзіўную культурную спадчыну.
З цікавасцю перагарнулі старонкі зборнікі ”Шаркоўшчынскаму краю“, у якім змешчаны творы пісьменнікаў-землякоў, якія ўслаўляюць родны край, прыроду, працавітых і шчырых людзей зямлі шаркаўшчынскай.
Наведвальнікі выставы-дыялога падзівіліся багатай літаратурнай спадчынай пісьменнікаў-землякоў: В.А.Праўдзіна, М.М. Кукуця, К.М. Сосна, В.І. Лагуна, якія годна прадстаўляюць наш край у Саюзе пісьменнікаў Беларусі.
