Кветка года 2025 – васілёк
Бібліятэкар Германавіцкай сельскай бібліятэкі Таццяна Хоміч разам з грамадскім эколагам Марынай Фёдаравай падрыхтавалі і правялі экалагічнае падарожжа ”Кветка года 2025 – васілёк“, якое адбылося ў экалагічным класе ”Прырода роднага краю “.
Да мерапрыемства была падрыхтавана кніжная выстава ”Дзікая прырода побач“.
Грамадскі эколаг паведаміла ўдзельнікам мерапрыемства аб тым, што васілёк сіні (валошку) абралі раслінай 2025 года ў Беларусі. За гэта прагаласавалі самі беларусы анлайн падчас штогадовага конкурса, на якім вызначаюць расліну года. Гэтая кветка ўжо даўно стала негалосным сімвалам Беларусі. Яе размяшчаюць на прынтах і лагатыпах кампаній, складаюць пра яе вершы і нават называюць рэстараны.
Бібліятэкар нагадала ўдзельнікам беларускія легенды, з якіх хлопчыкі і дзяўчынкі даведаліся чаму васілёк васільком завецца, і аб тым, што васілёк або валошка даўно лічыцца адным з культурных сімвалаў Беларусі, займаючы сваё месца побач з буслом, зубром, бульбаю. Таццяна Геннадзьеўна звярнула ўвагу ўдзельнікаў мерапрыемства на тое, што беларускія паэты і пісьменнікі неаднойчы звярталіся да гэтай кветкі ў сваіх творах. Мабыць, першы твор, які ўзгадваецца пры слове васілёк – гэта верш М. Багдановіча ”Слуцкія ткачыхі“.
Таццяна Хоміч пазнаёміла прысутных з кніжнай выставай і правяла віктарыну, дзякуючы якой даведаліся больш пра сіні васілёк.
