Купальскі настрой
Чацвёрты год юныя чытачы дзіцячай бібліятэкі святкавалі народнае свята Купалле, у праграму якога былі ўключаны і купалаўскія чытанні. З вялікай цікавасцю хлопчыкі і дзяўчынкі, а таксама іх бабулі і дзядулі слухалі паэму Янкі Купалы “Курган”, чытанне якой суправаджалася гукамі народнай музыкі.
“Купальскі настрой” – так завецца мазаіка, якую дзеці малявалі, а потым састаўлялі ў адзіную карціну.
Падчас мерапрыемства адбыўся майстар-клас па вывучэнню адной з купальскіх песень і карагоду.
З вялікім задавальненнем удзельнікі свята слухалі вершы ў выкананні паэта-земляка М. Кукуця. Міледзій Мікалаевіч прыгадаў сваё вясковае дзяцінства і юнацтва. Ён пажадаў юным чытачам, каб яны раслі дапытлівымі, разумнымі, добрымі і шчод¬рымі, як мага больш чыталі.
Кульмінацыяй свята стала пусканне вянкоў жаданняў па рацэ Дзісёнка.
