КРАЯЗНАЎЧАЕ ПАДАРОЖЖА
Бібліятэкар Буеўшчынскай бібліятэкі-клуб Наталля Кандрацьева разам з юнымі чытамі бібліятэкі здзейснілі вандроўку ў старажытны Ганаўскі парк, назва якога паходзіць ад аднайменнага мястэчка, дзе раней размяшчаўся маёнтак паноў Лапацінскіх.
Юныя падарожнікі, схаваўшыся ад спёкі ў цяньку двухсотгадовых ліп, уважліва слухалі аповед бібліятэкара аб мінулым. У той час, калі ўся гэта тэрыторыя адносілася да Польшчы, граф Лапацінскі, якому належылі навакольныя вёскі, маёнтак і сам парк, быў вельмі багатым. У яго, нават, меўся ўласны аўтамабіль (кабрыялет), што для мясцовых сялян было вельмі дзіўнай і нязвыклай рэччу
Паблукаўшы па алеі з дубоў-веліканаў, што, нібы асілкі, сваімі вялізнымі галінамі і густой ліствой ствараюць прыродны ахоўны дах, вандроўнікі накіраваліся ў вёску Варонку, дзе знаходзіцца стараверская Свята-Успенская царква.
У гэтым годзе храм адзначае 115 гадовы юбілей з часу заснавання і з’яўляецца гісторыка-архітэктурным помнікам дзяржаўнага значэння.
Напрыканцы дня, крыху стаміўшыміся, але поўнымі ўраджанняў, падарожнікі вярнуліся ў бібліятэку, дзе і падвялі вынікі свайго падарожжа.
