Конкурсная праграма "Цікаўным і дапытлівым"
Кожны год па традыцыі ў канцы сакавіка Германавіцкая сельская бібліятэка-філіял збірае юных чытачоў і аматараў літаратуры.
Для юных чытачоў у бібліятэцы аформлена кніжная выстава “Чароўны куфэрак”. Для наведвальнікаў выхаваўча-аздараўленчага лагера “Сонейка” бібліятэкар правяла конкурсную праграму “Цікаўным і дапытлівым” і літаратурнае асарці “Побач з кнігамі – не сумую”. Падчас правядзення літаратурнага асарці юныя чытачы пазнаёміліся з навінкамі дзіцячай літаратуры, мелі магчымасць узгадаць цікавыя і любімыя кнігі. А таксама абмеркаваць змест некаторых кніг. Дзеці акунуліся ў атмасферу вясёлага духу спаборніцтва і знаходлівасці. Яны актыўна ўдзельнічалі ў конкурсах, адгадвалі загадкі, крыжаванкі, выконвалі творчыя заданні, паспаборнічалі ў ведах па разнастайных тэмах, праявілі дапытлівасць і творчыя здольнасці і папоўнілі свой багаж ведаў .
Дзеці цікава і пазнавальна правялі час, атрымалі выдатны зарад бадзёрасці і шмат станоўчых эмоцый. Яны мелі магчымасць не толькі праверыць свае веды і кемлівасць, а яшчэ і заваяваць салодкія прызы.
