Казачная дзея "Чароўны куфэрак"
Бібліятэкары Лужкаўскай сельскай бібліятэкі-філіяла арганізавалі для ўдзельнікаў школьнага лагера казачную дзею «Чароўны куфэрак».
У пачатку мерапрыемства дзяцей пазнаёмілі з гісторыяй узнікнення Тыдня дзіцячай і юнацкай кнігі, а затым юных чытачоў чакалі самыя розныя конкурсныя заданні, якія былі звязаны з кнігай. Пачалося ўсё з размінкі «Ці добра ты ведаеш казкі?», а затым праводзілі такія конкурсы, як «Бюро знаходак», «Літаратурны герой», «Складзі назву твора з літар», што дапамагло ўдзельнікам успомніць назвы твораў і іх герояў, а таксама даведацца шмат новых звестак.
Напрыканцы ўдзельнікі падзяліліся на дзве групы, і ім было неабходна з прапанаваных кніг выбраць літаратуру па тэмам «гісторыя» і «прырода», а затым скласці іх у алфавітным парадку па прозвішчах аўтараў, з чым дзеці справіліся хутка і правільна.
Падчас мерапрыемства ў бібліятэцы панавала добразычлівая вясёлая атмасфера, што ў будучым стане добрым стымулам, каб прыйсці сюды яшчэ не раз.
