Калядныя святы ў бібліятэках
Свята Каляд – адно з тых самых святаў, якія ўвесь хрысціянскі свет чакае з асаблівай радасцю і стараецца сустрэць найбольш урачыста.
У бібліятэках нашай ЦБС цікава і запамінальна прайшлі мерапрыемствы, прымеркаваныя да калядных святаў.
Бібліятэкар аддзела абслугоўвання і інфармацыі цэнтральнай раённай бібліятэкі Раіса Гракава наведалася ў аддзяленне сацыяльнай рэабілітацыі і абілітацыі ДУ ”Тэрытарыяльны цэнтр сацыяльнага абслугоўвання насельніцтва Шаркаўшчынскага раёна“ правяла для наведвальнікаў бібліятэчныя вячоркі ”Раство – вялікае свята“. У пачатку мерапрыемства бібліятэкар нагадала ўдзельнікам гісторыю Раства, пазнаёміла з культурай нашых продкаў. Падчас сустрэчы панавала святочная атмасфера. Наведвальнікі з натхненнем чыталі вершы, адгадвалі загадкі, прыгадвалі цікавыя калядныя гісторыі і, вядома, паваражылі на нарачонага.
У Лужкаўскай сельскай бібліятэцы-філіяле адбыліся калядныя сустрэчы ”Пришли Колядки, а за ними Святки“. Удзельнікі музычна-гульнявой забавы на імгненне акунуліся ў далёкую гісторыю аднаго з галоўных хрысціянскіх святаў – Раство Хрыстова. Разам праспявалі песні, якія ўслаўляюць яго нараджэнне і звярнуліся да зборнікаў святочных апавяданняў рускіх класікаў ”Рассказы к Новому году и Рождеству“, ”Новогодние и Рождественские истории“, каб яшчэ раз пранікнуцца атмасферай казачнай святасці. Вясёлая гульнёвая частка праграмы з конкурсамі, песнямі і жартамі пазнаёміла ўдзельнікаў з цікавымі забавамі, гульнямі і загадкамі, адмыловымі стравамі на Святкі, якія святкуюцца ў народзе здаўна ад Каляд да Вадохрышча – дванаццаць дзён. А па заканчэнні праграмы ўсіх чакалі калядныя падарункі-сувеніры і салодкі стол з пачастункамі і гарбатай.
