Літаратурная гасцёўня “Дакрануцца душой”
Літаратурная гасцёўня “Дакрануцца душой” стала значнай падзеяй гэтага тыдня для жыхароў аграгарадка Германавічы, аматараў беларускай кнігі. У Германавіцкай бібліятэцы-філіяле № 13 адбылася сустрэча З Віктарам Аляксандравічам Праўдзіным, членам Саюза пісьменнікаў Беларусі. Віктар Аляксандравіч працуе ў жанры прозы. У яго творах дамінуе сацыяльна-прыгодніцкі накірунак.
Сустрэча з пісьменнікам доўжылася больш за дзве гадзіны. Падчас сустрэчы Віктар Аляксандравіч расказаў аб сваім жыццёвым шляху, аб тым, як ён, маёр міліцыі ў адстаўцы, прыйшоў да літаратурнай творчасці, аб сваіх далейшых планах. Віктар Аляксандравіч змястоўна адказаў на ўсе пытанні. Прыхільнікі творчасці Віктара Праўдзіна дзяліліся сваімі ўраджаннямі аб прачытаных творах. Вельмі ўразілі Віктара Аляксандравіча шчырыя словы- ўспамін пра яго маці, якія выказала жыхарка аграгарадка Германавічы Пузікава Лія Аркадзьеўна.
Напрыканцы сустрэчы ўсе жадаючыя атрымалі ў падарунак ад пісьменніка кнігі з аўтографам.
