”Іскрынка душы“ Аліны Шынкевіч
2 лістапада ў Радзюкоўскай сельскай бібліятэцы адбылася прэзентацыя кнігі Аліны Шынкевіч ”Іскрынка душы“.
Напачатку мерапрыемства бібліятэкар В.Абрамава прадставіла таленавітую жанчыну, якой пад сілу выказаць вершаванымі радкамі сваю асабістую думку аб тым, што простае людское шчасце можна знайсці нават у самых звычайных жыццёвых дробязях.
Удзельнікі мерапрыемства з задавальненнем слухалі выступленне Аліны Антонаўны, якая падзялілася сваімі ўспамінамі аб дзяцінстве і юнацтве, крыху распавяла аб творчым шляху, адказала на шматлікія пытанні аўдыторыі.
А.А.Шынкевіч прымала віншаванні ад удзельнікаў мерапрыемства, калег па пяру, а кіраўнік народнага калектыву літаратурнай творчасці А.У. Клакоўская ўручыла Аліне Антонаўне пасведчанне ўдзельніцы народнага калектыву літаратурнай творчасці ”Світанак“.
Святочны настрой на працягу мерапрыемства ствараў музычны калектыў ”Душевный уют“.
