Інтэрактыўны занятак
У Лужкаўскай сельскай бібліятэцы-філіяле прайшоў інтэрактыўны занятак ”Мошенничество, кража, грабёж“ для навучэнцаў Лужкаўскай дзіцячай школы мастацтваў, падчас якога бібліятэчныя работнікі засяродзілі ўвагу прысутных на актуальнасці і важнасці момантаў маральнага недапушчэння махлярства і крадзяжу, адказнасці за злачынствы супраць уласнай маёмасці чалавека, далі рэкамендацыі як паводзіць сябе ў інфармацыйнай прасторы інтэрнэт-сеціва, каб зберагчыся ад кіберзлачынцаў, якія актыўна распаўсюджваюць і выкарыстоўваюць сваё махлярства, каб атрымаць выгаду ад звычайных карыстальнікаў інтэрнэту.
Удзельнікі мерапрыемства з цікавасцю ўключыліся ў размову і былі не толькі слухачамі і сузіральнікамі, але актыўна падыходзілі да вырашэння і аналізу розных жыццёвых сітуацый, звязаных з махлярствам, раскрываючы дадзеную тэму на прыкладах. Разам з бібліятэкарамі і настаўнікамі прыгадалі асноўныя формы махлярства на ”жывых“ прыкладах і пазнаёміліся з асноўнымі формамі махлярства ў сацсеціве: камп’ютарныя гульні-анлайн, фішангавыя спасылкі, галасавыя паведамленні, сайты махлярскіх інтэрнэт-магазінаў, блакіроўкі банкаўскіх карт і інш.
Дзецям цікава было даведацца пра тое, як абыходзіліся са злачынцамі ў старажытнасці і якія меры пакарання існуюць зараз ў нашым грамадстве за мелкія і вялікія крадзяжы і махлярствы рознай формы. Разам абмеркавалі тэму ”Як быць законапаслухмяным грамадзянінам“ і выдзелілі асноўныя якасці, што спрыяюць гэтаму.
Напрыканцы мерапрыемства ўсе былі запрошаны да імправізаванага адкрытага мікрафона, дзе кожны мог даць адказ, падзяліцца сваімі меркаваннямі і пажаданнямі, дапоўніць гутарку наконт рэкамендацый і навыкаў самазахавання ад махлярства і крадзяжу.
