Гульня-паведамленне
Напярэдадні Міжнароднага дня энергазберажэння для выхаванцаў лагера адпачынку, які працаваў на канікулах у ДУА ”Лужкаўская сярэдняя школа Шаркаўшчынскага раёна“, адбылася гульня-паведамленне ”Правила энергосбережения знаем как таблицу умножения“.
Размова пачалася з таго, што беражлівыя адносіны да электраэнергіі, цяпла і эканомнага спажывання вады засноўваюцца на такіх прынцыпах, як выкарыстанне па неабходнасці і ў тых аб’ёмах, якія адпавядаюць патрэбам, прымяненне энергаэфектыўных тэхналогій і самае галоўнае, усвядомлены падыход да выкарыстання ўсіх відаў энергіі ў паўсядзённым жыцці. Выкананне гэтых ўмоў спрыяе эканоміі фінансавых рэсурсаў, ахове навакольнага асяроддзя і садзейнічае ўстойліваму развіццю краіны, забяспечваючы захаванне энергетычных рэсурсаў для будучых пакаленняў.
Затым удзельнікам былі раскрыты ”20 сакрэтаў“ эканоміі энергіі падчас карыстання бытавымі прыборамі дома.
Цікавая гульня ”Даўні-сучасны“ пашырыла веды ўдзельнікаў аб зменах навукова-тэхнічнага прагрэсу шляхам падбору парных малюнкаў з выявамі прадметаў-памочнікаў чалавеку ў быце з розных гістарычных перыядаў.
Віктарына ”Азбука беражлівасці“ дапамагла замацаваць і яшчэ раз нагадаць асноўныя правілы карыстання бытавымі прыборамі дома, спосабамі захавання цяпла і рацыянальнага выкарыстання вады. Напрыканцы ўдзельнікам было прапанавана прывесці прыклады з іх асабістага жыцця, дзе яны парушалі правілы энергазберажэння.
Мерапрыемства прайшло ажыўлена, весела і захапляльна, бо ўдзельнікаў здзівіла тое, што ёсць шмат спосабаў, якія дазваляюць эканоміць ваду, цяпло і электраэнергію.
