ГУКАННЕ ВЯСНЫ
Каб развітацца з зімой і паскорыць надыход вясны, бібліятэкар Більдзюгскай сельскай бібліятэкі прапанавала хлопчыкам і дзяўчынкам адправіцца ў падарожжа ў мінуўшчыну і даведацца як даўней маленькія беларусы гукалі вясну.
Для правядзення
фальклорнага мерапрыемства выбралі прасторную пляцоўку ля бібліятэкі, усё навокал упрыгожылі стужкамі, саматканымі дыванамі, папяровымі птушкамі.
Развітаўшыся з гераіняй зімовых святаў Казой з каляднага гурту, удзельнікі мерапрыемства вясёлымі конкурсамі і гульнямі запрашалі вясну.
Падчас мерапрыемства значнае месца было прысвечана буслу – сімвалу Беларусі. Удзельнікі з цікавасцю паслухалі легенду пра бусла, напрыканцы якой заклікалі:
Буслік, буслік! Прылятай!
З намі трохі пагуляй!
Буслік разам з прыгажуняй Вясной не толькі праводзіў конкурсы, загадваў загадкі, але і частаваў хлопчыкаў і дзяўчынак выпечанымі ”жаўранкамі“.
