Гісторыя на ёлцы: навагоднія цацкі дзяцінства
Бібліятэчныя работнікі Лужкаўскай сельскай бібліятэкі-філіяла наведаліся ў УА ” Гарадзецкі дзіцячы сад“, дзе для выхаванцаў дашкольнай установы правялі гадзіну цікавай інфармацыі ”Гісторыя на ёлцы: навагоднія цацкі дзяцінства“.
Дзеці і бацькі разам з бібліятэкарамі, якія выступілі ў ролі казачных герояў Ката Базіліа і Лісы Алісы, адправіліся ў падарожжа па краіне казак і прыгод, дзе іх чакалі сустрэчы з Бабай Ягой, Снягуркай і дзедам Марозам, якія спяшаліся да дзяцей на свята і трапілі ў розныя прыгоды.
Удзельнікі мерапрыемства танчылі, спявалі, расказвалі вершы, выконвалі розныя заданні, каб хутчэй сустрэцца каля ёлкі і атрымаць салодкія падарункі. Кот Базіліа і Ліса Аліса хітрылі і імкнуліся зрабіць шкоду і адабраць падарункі ў дзяцей. Але дабро і сапраўднае сяброўства перамагло і ўсё скончылася добра – дзеці атрымалі падарункі, ёлка загарэлася святочнымі агеньчыкамі і ўсе дружна сустракалі Новы год!
