Гэта быў час, які нельга забыць
Бібліятэкар Германавіцкай сельскай бібліятэкі-філіяла для выхаванцаў аздараўленчага лагера “Восеньская казка” ДУА “Германавіцкая сярэдняя школа Шаркаўшчынскага раёна” ў рамках тэматычнага дня “Дзень памяці” падрыхтавала і правяла гадзіну памяці “Гэта быў час, які нельга забыць”.
Гаворка ішла пра падзеі 1941-1945 гадоў, якія адбываліся ў нашай мясцовасці. Бібліятэкар правяла завочную экскурсію па аграгарадку “Іх імёнамі названы вуліцы Германавіч”. А таксама пазнаёміла з кніжнай выставай “Вайна вачыма дзяцей” і прэзентавала кнігу “Спаленыя вёскі”, якая з’яўляецца працягам цыкла кніг “Генацыд беларускага народа”.
Памяць аб гэтым павінна жыць у стагоддзях. Мы павінны памятаць вызваліцеляў нашых вёсак і гарадоў. Мы, нашчадкі, павінны ведаць падзеі мінулай вайны, павінны вывучаць гісторыю сваёй маленькай радзімы, бо той народ, які не ведае і не шануе мінулага, не мае будучыні.
