Гадзіна ўспамінаў
Для наведвальнікаў аздараўленчага лагера “Зорны”, арганізаванага на базе ДУА “Германавіцкая сярэдняя школа Шаркаўшчынскага раёна” бібліятэкар Германавіцкай сельскай бібліятэкі-філіяла правяла гадзіну ўспамінаў “Няпросты лёс мастачкі-самавучкі, нашай зямлячкі Ванды Лагун", прымеркаваную да 85-годдзя з дня нараджэння і да Года беларускай жанчыны.
Для навучэнцаў бібліятэкар падрыхтавала прэзентацыю пра жыццё і творчасць Ванды Германаўны, а таксама выставу малюнкаў мастачкі “Таленту не заставацца ў цяні”. Пра гэту таленавітую жанчыну гаварыць было проста і цікава, бо бібліятэкар асабіста была з ёй знаёма і запісала ўспаміны аднавяскоўцаў, стрыечнай сястры Марыі Дубовік (якая яе даглядала) і суседзяў.
Пры падрыхтоўцы мерапрыемства дзеці атрымалі апераджальныя заданні. Некаторыя звесткі з біяграфіі, а таксама вершы Ванды гучалі ў выкананні навучэнцаў. У якасці рэфлексіі бібліятэкар прапанавала разам з дзецьмі саставіць “Воблака слоў” і дапоўніць прэзентацыю яшчэ адным слайдам. Ключавымі словамі былі: талент, мастачка, спагада, самавучка, што ўказвае на тое, што мерапрыемства пакінула след у душы дзяцей.
