Гадзіна роднай літаратуры "Чытай сваё"
У рамках праекта “Кожную пятніцу – роднае, сваё”, бібліятэкарамі раённай бібліятэкі ў аддзяленні рэабілітацыі, абілітацыі інвалідаваў была праведзена гадзіна роднай літаратуры “Чытай сваё”, якая была прысвечана памяці мясцовых пісьменнікаў Міледзія Кукуця, ганаровага члена Саюза пісьменнікаў Беларусі, сябра народнага літаратурнага аб’яднання “Світанак” і Кацярыне Сосна, якая ўваходзіла ў Саюз пісьменнікаў Беларусі і на працягу 25 год кіравала літаратурным аб’яднаннем “Світанак”. Прысутных пазнаёмілі з жыццём і творчасцю пісьменнікаў.
Пісьменнік – гэта творчы чалавек, які выказвае свае пачуцці, ідэі, гісторыю і ўражанні праз пісьмовае слова, уплывае на пачуцці і думкі іншых людзей, а іх творчасць можа пакінуць глыбокі след у гісторыі і культуры грамадства, чым і займаліся на працягу літаратурнай творчасці Мiледзiй Кукуць і Кацярына Сосна. Вершы ў іх зямныя, простыя, немудрагелiстыя, блiзкiя нам усiм.
