ГАДЗІНА ПРАБЛЕМНАЙ РАЗМОВЫ
У Лужкаўскай сельскай бібліятэцы да Міжнароднага дня барацьбы з наркаманіяй адбылася гадзіна праблемнай размовы “ Как жить сегодня, чтобы иметь шанс увидеть завтра”.
Для вучняў сярэдняга школьнага ўзросту Лужкаўскай СШ былі прадстаўлены факты аб наркаманіі як аб пагрозе, якая калечыць і разрушае здароўе чалавека. Мэтай мерапрыемства з’яўлялася задача дапамагчы падлеткам вынайсці сваю пэўную, абагульненую пазіцыю ў адносінах ужывання наркотыкаў, усвядоміць глыбіню дадзенай праблемы. Бібліятэкар, трымаючы ў руках запаленую свечку і параўноўваючы яе з кволым жыццёвым святлом і цяплом , пачала размову аб тым, як можна ў адно імгненне затушыць гэтае полымя, калі паддацца спакусам, якія пагубна ўздзейнічаюць на нас. Да іх адносяць наркаманію, таксікаманію, алкаголь і курэнне.
Каб адказаць на пытанне, што ж такое наркотык, бібліятэкары прапанавалі дзецям невялікі красворд, дзе па галоўнаму слову “наркотык” трэба было падабраць слоўныя асацыяцыі, якія звязаны з адчуваннямі чалавека пры яго ўжыванні. Дзеці па кожнай асацыяцыі давалі свае каментарыі і выказвалі думкі. З дапамогай гульні “Піраміда” падлеткі заглянулі ў гісторыю ўзнікнення гэтага слова і самога наркатычнага рэчыва. Прысутным прапанаваліся практыкаванні- разважанні “Партрэт наркамана” , “Далонь” , гульня “Чатырохрадкоўе”, у час якіх трэбы было апісаць партрэт чалавека, ужываючага наркотыкі, па зададзеных рыфмах прыдумаць сказы-перасцярогі па шкодных звычках, выказаць свае погляды на праблему наркаманіі. Гульня “Адказ”, у час якой галоўнай задачай для падлеткаў была адпрацоўка навыкаў упэўненых паводзін і аргументаванага адказа ў прапанаваных сітуацыях выбара. Дзеці прыдумвалі розныя пераканаўчыя адказы ў сітуацыях, калі ім могуць прапанаваць пакаштаваць спіртныя напіткі, закурыць або ўжыць наркотык, аднесці яго да дому ці аддаць таварышу.
Напрыканцы ўсе ўдзельнікі мерпрыемства дружна падвялі вынікі сваіх адказаў, паводзін і меркаванняў. Прыйшлі да высновы аб тым, што трэба быць сумленным, усведамляць свае праблемы і не затойваць іх у сабе, быць добрым і памяркоўным, умець сябраваць, адпачываць, часцей бываць на прыродзе, чытаць кнігі і займацца спортам.
