Гадзіна памяці ”Былых герояў не бывае“
У Германавіцкай бібліятэцы да Дня памяці ахвяр Вялікай Айчыннай вайны і генацыду беларускага народа прайшла гадзіна памяці ”Былых герояў не бывае“.
Бібліятэкар паведаміла пра вызваленне мястэчка Германавічы. Пры вызваленні баявыя дзеянні вялі: 166-я стралковая дывізія, 1406 зенітна-артылерыйскі полк, 44-я мотастралковая брыгада першага Чырвоназнамённага танкавага корпуса. У гэтым баі полк упершыню ўдзельнічаў у адбіцці буйных налётаў. Зенітчыкі праявілі масавы гераізм. Дзёрзкія дзеянні па захопу маста, добрая зладжанасць і высокі маральны дух усяго асабістага саставу – усё гэта прадэманстравала высокую баявую сталасць палка. Пераправа засталася некранутай. Полк выканаў сваю задачу.
На досвітку 3 ліпеня 1944 года ў цэнтры вёскі Германавічы былі пахаваныя загінуўшыя, а полк рушыў далей на Шаркаўшчыну для прыкрыцця чыгуначнага маста і пераправы.
Імёнамі вызваліцеляў вёскі Германавічы названы яе вуліцы.
Працягам мерапрыемства стала наведванне ў вёсцы Жукі Ложныя брацкай магілы загінуўшых воінаў 166-й стралковай дывізіі. Прысутныя ўсклалі кветкі да помніка на брацкай магіле і ўшанавалі светлую памяць загінуўшых хвілінай маўчання.
